影片
更多
2023-06-14
829 瀏覽
一年一度父親節，雖然衰仔以上，孝子未滿，但一直都冇同老頭子慶祝，今年粗粗地就食一餐以表孝心。網上面有一大堆慶祝父親節嘅飲食優惠，撇除絕大部份係嗰啲不切實際嘅自助餐，（除非個仔係十零廿歲而丫爸又相對年青，四十零五十歲，如果唔係你用七，八折嘅價錢去食自助餐，一個上咗年紀嘅朋友仔食得幾多）㩒下㩒下出現咗一個經常會見到，但係最終都冇機會試嘅店舖，輝哥私房菜，應節地出咗個父親節八味餸優惠套餐，一來價錢相宜，而且餸菜選擇都唔錯多，即管試一試由TapNow 購買優惠後要打去店面預先book日子，本身諗住父親節期間佢一定係坐到爆，點知當日去到現場嚇咗我一大跳，真係估唔到，當晚全場竟然只係得四檯客，雖然之前啲朋友成日都會攞呢間嘢同佢樓下嗰間神燈相比，講話神燈比佢好，但係我就硬係唔信邪，都唔知係呢啲風評引致到佢咁冷清定點，不過既然嚟咗，希望最少物有所值以下係上菜次序及評價🫠巴拿馬火腿配蘆筍本身火腿已經幾咸，加上沙律醬就咸上加咸，沙律菜為數不多加上蘆筍竟然只吃得出一根，無法中和那麼重口味，建議選三文魚（當喚醒味蕾算吧）芝士烤龍蝦體型比想像中大，肉質爽彈，龍蝦鉗內也有相當肉量，雖然芝味欠奉，但也算是補回前菜的
網上面有一大堆慶祝父親節嘅飲食優惠，撇除絕大部份係嗰啲不切實際嘅自助餐，（除非個仔係十零廿歲而丫爸又相對年青，四十零五十歲，如果唔係你用七，八折嘅價錢去食自助餐，一個上咗年紀嘅朋友仔食得幾多）
㩒下㩒下出現咗一個經常會見到，但係最終都冇機會試嘅店舖，輝哥私房菜，應節地出咗個父親節八味餸優惠套餐，一來價錢相宜，而且餸菜選擇都唔錯多，即管試一試
由TapNow 購買優惠後要打去店面預先book日子，本身諗住父親節期間佢一定係坐到爆，點知當日去到現場嚇咗我一大跳，真係估唔到，當晚全場竟然只係得四檯客，雖然之前啲朋友成日都會攞呢間嘢同佢樓下嗰間神燈相比，講話神燈比佢好，但係我就硬係唔信邪，都唔知係呢啲風評引致到佢咁冷清定點，不過既然嚟咗，希望最少物有所值
以下係上菜次序及評價🫠
8 瀏覽
0 讚好
0 留言
巴拿馬火腿配蘆筍
本身火腿已經幾咸，加上沙律醬就咸上加咸，沙律菜為數不多加上蘆筍竟然只吃得出一根，無法中和那麼重口味，建議選三文魚（當喚醒味蕾算吧）
13 瀏覽
0 讚好
0 留言
體型比想像中大，肉質爽彈，龍蝦鉗內也有相當肉量，雖然芝味欠奉，但也算是補回前菜的錯失吧。
12 瀏覽
0 讚好
0 留言
鮑魚螺片竹絲雞燉湯
終於來了我最期待的燉湯，原隻鮑魚絕不是罐頭鮑魚貨色，肉質軟熟，老人家都可以輕鬆咬開，湯內嘅螺片同埋瘦肉ok入味，不過可惜個湯應該火候不足如果燉耐啲可以更加濃味，味道略嫌有啲淡，但本人都已經相當滿意（裏面嘅竹絲雞係用黎出味，唔係用嚟食嘅）
11 瀏覽
0 讚好
0 留言
清蒸老虎班
肉質滑溜，火喉控制一流僅僅熟，保持住肉質細嫩，唔會鞋晒，一啲血絲都冇.唯一缺點就係食得出係養班唔係海班，當然都係理所當然，呢個價邊有可能下下海斑俾你食，但食得出係新鮮既
15 瀏覽
0 讚好
0 留言
14 瀏覽
0 讚好
0 留言
菠蘿炒咕嚕肉及一口和牛
一口和牛相當有鑊氣，肉味濃，但肉質實在過靭，老人家可能咬唔開，薯仔一貫地比肉更好食。
菠蘿咕嚕肉就一般般，甜度適中，九成都係肉，反而最鍾意食嘅菠蘿就一粒都見唔到，清一色係甜椒，如果可以收埋啲汁上d肉度就更好，水汪汪咁。
13 瀏覽
0 讚好
0 留言
最後既炒飯，食到呢度已經飽到嘔，但就咁睇都知佢炒得好，飯粒粒分明，無咩油光，蝦都好大粒唔係食落膠膠地索索聲果d，肯定好過樓下茶記果d炒到一舊舊飯團咁既既炒飯😏
最後上埋個甜品,明明叫左古法蓮蓉焗布甸，最尾竟然上咗個芒果西米露布甸，有啲失望，但食到呢度，個布甸反正都冇胃口食（因為太飽）就放佢一馬啦🥹
整體相當滿意,畢竟呢個價錢，食物品質同份量都有番咁上下，雖然有部分原因可能係冇咩客人，引致員工服務態度好到我都唔好意思，有禮貌又主動換水換碟，見我拆殼拆到呢咁Hea就自動比濕紙巾，真係睇見個場咁冷清就傷感。如果大家想價錢公道食物品質又合理既話，輝哥私房菜真係可以考慮一下
張貼
