Unicorn Cafe & Restaurant (已結業)

蜆殼街最近開咗好多小店，星期日行過諗住求其搵間試吓，因為＂牛下女車神＂關係，Unicorn 成為近排熱話，反正全部都未試過，就試吓呢間Unicorn啦，星期六午市套餐都算多選擇，有意粉、意大利飯、漢堡、扒等等，最後叫咗個牛肉眼扒試，我哋一行4人有3個都叫肉眼medium熟度，上枱見賣相唔錯，以為會好有水準，點知切開大家都O咗咀，3份扒都起碼有8成熟，係最中央位置算比較接近我哋要求，除咗熟度唔達標，連味道都唔ok，係無乜肉味，仲有筋位多……。除咗質素唔得之外，服務都唔ok，1份扒要黑椒汁，另外兩份就要燒汁，侍應將黑椒汁果份講錯為燒汁比咗我奶奶，我食食下見到奶奶果份啲燒汁點解咁深色同埋有一點點，同我果份咁唔同呢，跟住奶奶話唔怪之得越食越辣，咁都可以搞錯，侍應小姐妳真係要好好去學習下喇！