影片
更多
2009-01-15
17 瀏覽
男朋友一早訂好檯等我放工去食飯…淨係搵小平津都玩左左十分幾鐘，又唔肯定邊條樓梯上…最後先發現個微型招牌招我地上去~ 餐廳既環境都頗簡陋，牆上面既油開始脫色，地板又花又黑，密質質既木檯木椅…究竟係由幾時開始，食客認為(所謂既)私房菜係可以冇裝修同溶溶爛爛架呢？！最低限度我都想坐得舒服先，但係張木檯lup黐黐既……我地張檯係魚生櫃前面，同隔離檯相差唔夠8cm，隔離仲要七個人迫四人檯>.< 其實見到個地方咁樣，我地真係唔想食刺身壽司類，特別坐係個魚生櫃前面，見到放魚生既地方好亂好多用完既碟，我唔想搏，其他野煮熟哂都冇乜所謂…睇埋個menu就想走添…幾樣食材，唔同煮法，好難揀得落手，因為同『和民』d野大同小異~ 最後男朋友話事:串燒 - 鹽燒，d牛利幾厚身既，食落幾爽有咬口，不過肉味偏淡，燒得香口搭救，還可以~ 另外兩樣冇印象軟殼蟹卷 - 好大舊，軟殼蟹偏少炸粉多，牛油果好淡，d飯壓得唔實，好易散…其實呢個卷真係好難唔食得既~牛油焗銀雪魚 - 真係冇魚味架，得條魚係d牛油到游水，冇食哂~豆腐魚湯烏冬 - 黎到好熱，白雪雪既湯冇魚味，一大堆豆腐，雜菜，雜菇…少少烏冬…幸好，佢唔多
淨係搵小平津都玩左左十分幾鐘，又唔肯定邊條樓梯上…最後先發現個微型招牌招我地上去~ 餐廳既環境都頗簡陋，牆上面既油開始脫色，地板又花又黑，密質質既木檯木椅…究竟係由幾時開始，食客認為(所謂既)私房菜係可以冇裝修同溶溶爛爛架呢？！最低限度我都想坐得舒服先，但係張木檯lup黐黐既……我地張檯係魚生櫃前面，同隔離檯相差唔夠8cm，隔離仲要七個人迫四人檯>.<
其實見到個地方咁樣，我地真係唔想食刺身壽司類，特別坐係個魚生櫃前面，見到放魚生既地方好亂好多用完既碟，我唔想搏，其他野煮熟哂都冇乜所謂…睇埋個menu就想走添…幾樣食材，唔同煮法，好難揀得落手，因為同『和民』d野大同小異~ 最後男朋友話事:
串燒 - 鹽燒，d牛利幾厚身既，食落幾爽有咬口，不過肉味偏淡，燒得香口搭救，還可以~ 另外兩樣冇印象
軟殼蟹卷 - 好大舊，軟殼蟹偏少炸粉多，牛油果好淡，d飯壓得唔實，好易散…其實呢個卷真係好難唔食得既~
牛油焗銀雪魚 - 真係冇魚味架，得條魚係d牛油到游水，冇食哂~
豆腐魚湯烏冬 - 黎到好熱，白雪雪既湯冇魚味，一大堆豆腐，雜菜，雜菇…少少烏冬…幸好，佢唔多加味精，所以冇味都好正常~ 烏冬都合格，當然你唔可以要求萬豚屋既彈牙啦，不過佢都唔會過份到一夾就斷，入口即溶既~ 乜湯烏冬都可以唔滑架咩？
我都知道brian係以前有線電視既主持，而家呢度做老闆，不過我黎食野，唔係黎睇佢架嘛…我已經揀哂d好易好好味既菜，但係都唔滿意~ 環境有大影響囉，因為一多人就好嘈，地方細樓底高又大回音，呢餐飯我食得好唔舒服…
嚴格黎講呢間唔算私房菜，似上檔cafe咋…
張貼