影片
更多
2009-08-11
15 瀏覽
之前上網睇到網友的推介, 決定同屋企人山長水遠去荃灣試下呢間傳說中的v cuisine.一出城門隧道, 幾經波折先搵到去如心廣場應該點行 (因為我地係渣車的, 又唔太熟路), 仲差d入錯左荃新天地二期的停車場. 原來行前些少如心都有個停車場, 好大, 而且去v cuisine食野仲有免費泊車優惠.如心個場聞說好空...我地一出lift就係三樓, 都無行過其他層, 但就三樓一看, 全層就得v cuisine 同陶源.本以為呢到唔係咁旺, 唔怕無檯, 點知幾乎full場 (當時係下午一點) , 好彩我地去到岩岩有張檯走先唔駛等位. 驟眼一看, 已覺得個場好有feel. 有d似酒店coffee shop, 但又夾雜左d中國式的裝飾擺設, 如戲服, 髮朁, 連杯碟都刻有將進酒的詩句. 好有特色! 接著就係點菜的環節.我地望住張點心紙, 呆左好耐......並不因為無野好食, 係因為樣樣都好想食!!!點心名好吸引, 而且好多都係出面無見過的!心思熟慮之後, 我地點左海皇卷, 雪山奶皇包, 蕃茄蛋鮮竹卷, 桂花蚌腸, 帶子餃.海皇卷無論係賣相到味道都係一絕!外面的脆皮脆得黎唔油, 入面係超熱的,
一出城門隧道, 幾經波折先搵到去如心廣場應該點行 (因為我地係渣車的, 又唔太熟路), 仲差d入錯左荃新天地二期的停車場. 原來行前些少如心都有個停車場, 好大, 而且去v cuisine食野仲有免費泊車優惠.
如心個場聞說好空...
我地一出lift就係三樓, 都無行過其他層, 但就三樓一看, 全層就得v cuisine 同陶源.
本以為呢到唔係咁旺, 唔怕無檯, 點知幾乎full場 (當時係下午一點) , 好彩我地去到岩岩有張檯走先唔駛等位.
驟眼一看, 已覺得個場好有feel. 有d似酒店coffee shop, 但又夾雜左d中國式的裝飾擺設, 如戲服, 髮朁, 連杯碟都刻有將進酒的詩句. 好有特色!
接著就係點菜的環節.
我地望住張點心紙, 呆左好耐......
並不因為無野好食, 係因為樣樣都好想食!!!
點心名好吸引, 而且好多都係出面無見過的!
心思熟慮之後, 我地點左海皇卷, 雪山奶皇包, 蕃茄蛋鮮竹卷, 桂花蚌腸, 帶子餃.
海皇卷無論係賣相到味道都係一絕!
外面的脆皮脆得黎唔油, 入面係超熱的, 好明顯係即炸.
材料有蝦有帶子有西芹, 口感爽脆, 唔濃味. 配上泰式甜酸醬, 感覺很清新, 是是日的best selection!
雪山奶皇包係網上甚受歡迎的推薦, 一客兩個, 侍應一放低個飽, 就俾媽子同細佬搶左. 我無得食||| 細佬話個皮係甜甜地又脆脆地, 有dd似菠蘿包皮, 奶皇 『好流』, 我確係無介紹錯喎~
蕃茄蛋鮮竹卷, funny! 有別於一般只帶咸味的鮮竹卷. 酸酸地, 送飯的話會唔錯. 媽子話要試下返去自行炮製!!
桂花蚌腸, 覺得淡口左d, 可能因為桂花蚌本身真係無乜味. 不過腸粉皮係算滑的, 下次可以試下其他腸.
帶子餃, 即係類似豆苗餃的物體, 把蝦換成帶子. 餃皮very ok, 夠透又有『趙口』, 唔會一pat野. 尤其想一讚呢到的帶子, 係爽身的, 好新鮮, 唔似出面好多都霉霉地. 不過個人都係愛食蝦多一點~~
另外叫左一個福建炒飯. 水準之上. 飯身炒得幾香. 媽子嫌$98一個好貴. 黎得呢到都預左, 食裝修係要豪d. 呢到連侍應上菜都要帶白手套, 十足十酒店咁, “service charges” 係應該俾既~
3個人食左剛好過$200, 有2張$30蚊的coupon. 一個月內要用, 或會用黎食下晚飯.
張貼
