謝謝儂 (V City) (已結業)

今日行程好趕，所以要快快手食lunch。Vcity入面間間都係貴價野食，冇乜時間享受就唔想浪費啲錢，所以格完價就揀左呢間「謝謝儂」。因為我得一人，基本上唔洗等位，禁飛就可以直接入去。位置略為逼，個袋都冇乜位放。我叫左一碗手工餛飩麵（$53）。麵條係幼麵，好滑同好彈牙，可以一啖接一啖都唔厭。餛飩都幾大粒，幾有誠意，内餡有豬肉、白菜同蔥，白菜好新鮮爽口。湯底略為淡，我問姐姐拎辣椒油，不過呢到得豆瓣醬，甜味為主，少少辣，好過冇味。呢度上菜5分鐘都唔洗，下次快食可揀呢間！不過收費比我想像中多，除左餐點嘅錢，加埋$5茗茶費之後再有加一，食之前要有心理準備。