L'Eclair de Genie (已結業)

由於我喺Vcity中庭嘅poo up store買，openrice冇資料，所以mark落呢間分店。之前喺太古分店買過一條，覺得味道唔錯，但又覺得太貴，所以一直冇再買。唔知係咪過年前做優惠，所以當日係買3送一，師奶仔即買啦！Cassis Marron $48花多眼亂之下，以顏色鮮豔作為考慮，揀左兩條果味~第一條係黑加侖子，面頭係果皮、栗子乾。咬開泡芙，會食到黑加侖子醬，主要係酸味，個人唔太喜歡。Passion $38第二條係熱情果，純粹為影相，覺得黃黃地搶眼啲。哇，以為黑加侖子酸啦，熱情果味呢條酸到我眼都打唔開…泡芙流心！如果鐘意食酸嘅甜品(?) 先好試~Salted Butter Caramel $38果然都係招牌味道最穩陣，價錢又平啲。外層焦糖加上朱古力脆脆，狙擊我口味！泡芙柔軟，中間有滑溜嘅海鹽焦糖忌廉，鹹鹹甜甜，好食！Tiramisu $45唧喺面頭嘅忌廉綿滑，外面都係泡芙，但裡頭有啲似食緊蛋糕，幾鬆軟，整體不俗。要我正價買四條風一般嘅泡芙又唔捨得，搞少少呢類優惠，我咁就滿足XDD個人比較喜歡後面兩條，承受唔住果味嘅酸。