Deli and Wine (已結業)

行左個幾鐘，睇中環街市附近既市區更新同中環街市關閉後既附近開既攤擋。途中經過九記，如果有時間，我一定入去食碗清湯腩伊，再過隔黎飲返杯鹹檸七!不過行程唔許可，所以冇咁做。之後去左蘭桂坊打個白鴿轉，再去大會堂。見到間deli and wire，徐sir二話不說就入左黎。見到環境唔錯，雖然地方唔太，但個氣氛幾好。如果幾個人黎傾下計都唔錯。行左咁耐，埂係要補充返體力，叫左個芝士火腿三文治，飲凍檸水。而同學們大都叫左杏仁班戟，徐sir就叫啤酒飲。等左一陣就到啦，個杏仁班戟整得幾靚，好似向住你笑，試左一淡，味道普通。而個芝士火腿三文治原來係配薯片既，三文治烘左底，三文治尚剩既熱力令芝士有少少融，三文治烘完底有少少脆，咬落去好正。薯片雖然熱氣，但都清左。飲品同出面既差唔多啦!傾傾下，大家都差唔多食完，埋單。徐sir萬歲!(楊同學問點解徐sir咁大個仲叫個待應做姐姐，我話唔通叫佢妹妹咩，點知比個待應聽到，係度笑添)