Vero Chocolates (已結業)

Vero chocolate既位置都真係算難搵，一黎位置已算唔太方便，係演藝學院對面，二黎係搵到個位都唔知係邊，原來要行上一條小小既樓梯先到，係頭去，如果係灣仔中心地帶行到黎呢度都已經身水身汗入到去環境同外面都幾唔同，入面環境幾優雅，仲有幾個好特別既朱古力擺設，有一個半開放式既餅房，坐既係一張張既圓枱。好適合靜靜既享受一個下午，出面既風景亦很優美點左最出名既熱朱古力，同一條朱古力榛子條兩樣野既外表都真係無批評，靚到好似藝術品特別係杯熱朱古力(Signature Dark Chocolate 70%)，面有一層微溶既朱古力，上面有vero字樣既花紋，呢杯熱朱古力真係熱+朱古力，真係好似飲緊一杯用溶左朱古力整既，係我飲過濃度最高既朱古力熱飲，但最唔鐘意既係呢杯熱飲帶微酸，飲落差少少朱古力榛子條(Chuao Caramel)：好食係算幾ok，但索價太高，唔係好值，講緊係六十蚊，就算五星酒店賣既都係講緊四十幾蚊咋喎店員服務都幾殷勤，成日都湛水總括黎講，呢度環境很寫意，熱朱古力很特別，但食物甜品就一般，索價略高，但可以一試