越北牛肉粉專門店 (已搬遷) 新店位置

朋友叫左豬頸肉湯懞，我叫左生牛肉湯河，一人一杯三色冰，再加一個鳳爪。豬頸肉湯懞，湯頭香料味足，豬頸肉另上，煎得都唔錯。生牛肉湯河，牛肉好正，切得薄，但仍然好有口感唔鬆散，應該係靚牛，湯頭清甜，落左青檸汁後更好飲。如果可以有返啲香茜芽菜會更正宗。三色冰都好好飲，椰汁唔會死甜，有落黃豆。鳳爪有醃紅白蘿蔔拌碟，好食！整體高質，一開始冇諗過有咁既質素所以冇影相，有機會再補返。埋單$130，滿足！下次會再唻試下佢個帽子火鍋。