芝樂坊餐廳

營業中

休息中

The Cheesecake Factory芝樂坊芝樂坊餐廳係來自美國的人氣連鎖餐廳，佢地既芝士蛋糕好出名，今次嚟到尖沙咀，梗係要試下啦！餐廳既環境寬敞，燈光以暖色為主，一入去已經見到櫥櫃既蛋糕種類非常多，有選擇困難症既朋友應該有排揀！菜品種類又多又豐富，無論係開胃菜、沙拉、漢堡定係主菜，都可以搵到滿足唔同口味既選擇，不過張menu冇相片全文字，所以睇到難睇。推薦一下佢地既Nachos，口感非常酥脆，因為Nachos以玉米粉為主要材料，所以佢外層薄脆，而內裡略有鬆軟既感覺，再搭配上唔同的醬料，例如有提供牛油果、酸忌廉、蕃茄，夾住一齊食，味道更加豐富多幾層。芝士蛋糕當然係必點之選啦，非常creamy，不過有點膩，尤其係Oreo 芝士蛋糕，原味會稍為好啲。不過呢度嘅環境唔錯，無論係朋友聚會定家庭聚餐，呢間餐廳係一個唔錯嘅選擇，如果鍾意食芝士嘅朋友，當然要嚟試吓。