影片
更多
2019-12-25
460 瀏覽
明明成條街都係食野，但就淨係得佢排曬長龍，個個都黎懲罰佢，人氣爆燈。到步已經７點半，門外目測４張枱左右，同職員拎左飛之後默默地等。原來喺到等既都係 Walk in 客，醒目客已經一早打左黎訂位，就係咁等位時間又延長左。不過朋友未收工，繼續等下又無妨。等位客人愈來愈多，我都等咗就嚟一個鐘，店主同職員亦都有留意到呢個情況，就拎左兩箱水同保礦力出黎，叫大家可以坐係門外枱櫈飲住嘢等，又時不時出黎講唔好意思，仲話一陣入座落單飲品一律唔收錢。等咗個幾鐘，終於有位啦！我地就坐隔離分店仔，等左咁耐真係餓到肚到攣。嗱嗱聲叫嘢食！ 望見枱枱都食 PIZZA ，搞到我地都想叫個嚟試下，不過款式都幾多，係唔想諗嘅情況下，我地決定直接問職員推介，佢講咩就食咩啦！Pizza底好薄同脆，但係就覺得芝士同木魚唔係好夾。係鹹蛋黃味嘅薯條，醬唔算太乾身，所以食落去冇咗薯條脆口嘅口感，同埋食多幾條都會覺得有啲鹹。每隻青口都算幾大隻，味道冇乜太特別，不過上菜嘅時候，職員好好，會攞埋一隻碟俾我哋放殼一路食一路望望下發現，呢到另外好似係蛋糕方面都幾出名，於是再飽都好，都好想食兩啖試下。本身諗住叫佢哋最出名嘅朱古力蛋糕，但係原來早
等咗個幾鐘，終於有位啦！我地就坐隔離分店仔，等左咁耐真係餓到肚到攣。嗱嗱聲叫嘢食！
望見枱枱都食 PIZZA ，搞到我地都想叫個嚟試下，不過款式都幾多，係唔想諗嘅情況下，我地決定直接問職員推介，佢講咩就食咩啦！
大阪燒薄餅
42 瀏覽
0 讚好
0 留言
Pizza底好薄同脆，但係就覺得芝士同木魚唔係好夾。
黃金炒薯條
18 瀏覽
0 讚好
0 留言
係鹹蛋黃味嘅薯條，醬唔算太乾身，所以食落去冇咗薯條脆口嘅口感，同埋食多幾條都會覺得有啲鹹。
空運新鮮藍青口
14 瀏覽
0 讚好
0 留言
每隻青口都算幾大隻，味道冇乜太特別，不過上菜嘅時候，職員好好，會攞埋一隻碟俾我哋放殼
一路食一路望望下發現，呢到另外好似係蛋糕方面都幾出名，於是再飽都好，都好想食兩啖試下。本身諗住叫佢哋最出名嘅朱古力蛋糕，但係原來早早已經勁早賣晒，所以就叫咗個opera cake。
Villa Villa Opera
24 瀏覽
0 讚好
0 留言
食完都已經十點幾啦，雖然再等位到食完飯過程好漫長，但一啲都無覺得唔耐煩同唔愉快，佢地都好照顧客人需要，食物亦不過不失，加埋整體小店既人情味過程，係一個幾好既用餐經驗。野飲係冇收錢.....
張貼
