The Old Book Store by The So Lonely Club

營業中

休息中

銅鑼灣呢間走英倫書店主題嘅西餐想去好耐📚由裝修、擺設、去到Menu餐具都玩味十足，而且成間餐廳勁多打卡位，環境好有心思同好靚知道佢哋依排出咗畫板甜品🎨唔止下午茶可以食到，連夜晚都可以加$98換購，呢個又靚又好玩嘅甜品一定要order甜品包括畫板，畫板上面有六種「食用顏料」同四種「食用裝飾品」，兩支畫筆同埋一件白色嘅忌廉海鹽唔芝士蛋糕，喺芝士蛋糕上面畫上圖案，有得食又有得玩，呢個真係好得意！至於蛋糕唔算太甜，有陣陣海鹽同芝士味，整體experience幾好玩烤田螺配蒜香羅勒松子醬 ，田螺大大隻，配埋下面嘅蘑菇、薯蓉同青醬一齊食好惹味銀鱈魚西京燒，擺盤精美，魚肉滑溜而且厚肉，食落冇油膩嘅感覺，配菜多同墊底嘅薯蓉亦都好香鵪鶉蛋肉鬆pizza，見到佢嘅組合好特別所以嗌咗，pizza上面有厚厚嘅肉鬆、熟咗嘅鵪鶉蛋同埋焗好咗嘅芝士，Pizza個餅底整得幾好，外面脆卜卜裏面小小煙靭，個味道幾得意，不過覺得有少少偏鹹同埋蛋味唔算好濃郁餐廳嘅特飲飲品亦都好多選擇，今次叫咗仲夏野莓特飲夏野莓特飲面嗰層添上忌廉，底下係野莓沙冰，飲落甜甜地，解渴開胃，一邊食野一邊飲杯特飲非常合時。