Artisan Cafe (已結業)

其實放假無話一定要去邊做咩，有時候搵間cafe坐下，嘆下咖啡，同朋友吹下水，周圍行下影下相，都會可能有意外的驚喜。😉近日肺炎襲港，就算週末，市區都好靜好冷清。早上10點左右，cafe竟然一個客人都冇，可以盡情影相啦！雖然新鋪空間比舊鋪細左，但同樣別具風格，保留左舊鋪的吊杯裝飾，依然好適合影相。呢個靠窗bar台大概係全店最好影的位置，坐係呢度嘆咖啡就最寫意。不過相比之下我更喜歡舊鋪的燈光同擺設影完相就係時候食野啦！食物賣相一流，有標緻的latte art😊所用的咖啡杯相當復古由於掛住影相，所以無即時飲，店員仲提醒我地咖啡要襯熱飲😂 latte啡味濃郁野食方面就揀左Smoked Salmon Avocado Bagel，平時就咁食smoked salmon bagel已經好夠飽，所以我讓左半份牛油果俾朋友。Bagel口感非常煙韌，差d切都切唔到😂😂牛油果感覺好生，咬落去帶有少許山青的味道。中環的Artisan Cafe，打卡同咖啡都唔差，店員都好友善好客👍🏽，可惜今次的食物有d美中不足（山青的牛油果味太重，可能要放多d調味），不過影到靚相已經好滿足啦🤘🏽🤘🏽