Griddy's Waffles & Cocktails (已結業)

星期二晚同男朋友去將軍澳食晚餐。我地叫左一鹹一甜既窩夫，再叫個主菜。燒三文魚扒伴三文魚籽三文魚皮煎得十分脆口，啖啖肉，凍天使麵鋪上大量三文魚籽，整體好出色。油酥鴨窩夫配以火箭菜、無花果、蜜糖紅茶頭醬。鴨皮整得好酥脆，肉質嫩滑。窩夫係鹹既，味道好似食緊香草洋蔥味既麵包，只係口感係窩夫。香蕉窩夫配以焦糖脆香蕉配焦糖醬及Cappuccino雪糕。窩夫係比利時窩夫，好香蛋味，雪糕既咖啡味好香濃又幼滑，好好食。