Green Waffle (已結業)

銅鑼灣食野真係好多選擇，諗到頭都大埋，既然買左飛睇戲，索性喺戲院隔離食晚飯。地點就腳，嘢食一啲都唔馬虎！兩個人食，為咗留肚食鋪頭出名嘅Waffle就叫咗一個主菜一個小食，點知小食都好大份，飽到呢～main course叫咗芝士肉醬意粉，普普通通嘅菜式又做得唔錯喎，鑊仔上熱辣辣，芝士仲可以拉絲添。飽肚小食fish & chips，冇估到咁大份，炸魚鬆脆，幾唔錯。飲品揀咗杏仁片雲尼拿咖啡，雪糕融咗少少杯野就甜啲，好得意。雖然已經好飽，但都一定要試Wafffle！Mix berries，斑蘭底，配上movenpick雪糕，無限任加嘅syrup，好好味！！第一次食斑蘭窩夫，個味道幾新奇，冇一般斑蘭產品咁重味，反而係清清地嘅味道。