Stick Stick's (已結業)

係SOGO行行下見有D肚餓，就決定搵D野食下。我之前經過呢間stick Sticks見到佢有個waffle sandwich好似幾得意咁，已經想試下，不過上次都係無試到，所以今次就決定買黎食下。佢有7-8款口味，都係朱古力，tiramisu個d咁，最後我要左榛子味，榛子味係最貴架，要$16一件。佢個Waffle都有兩隻味，一隻係原味，另外係朱古力味，不過榛子味既餡料就一定係配朱古力味既waffle。不過呢個waffle sandwich其實唔好食，係雪櫃拎出黎非常之凍，所以個waffle都變得非常之硬，而且佢無咩朱古力味，不過偶然會食到一粒粒類似朱古力既野。入面既榛子餡雖然多，都算幼滑，但都係無左榛子個種香濃既味道，間唔中會食到一粒粒花生，但對整件waffle sandwich既味道都無咩幫助。總結一句覺得唔係幾好食，我都唔會再買黎食。