和牛蕃 (已結業)

今晚放工跟同事一起吃晚飯，呢間餐廳早前我哋都嚟過，非常喜愛，所以今天再來惠顧。佢嘅沙律好有特色，配搭一個牛小排，鹹香十足入口即化有兩種味覺。仲有蕃茄沙律，味道新鮮而且有黑椒醬汁，清新又飽肚！另有A5和牛多士配有和牛海膽壽司，優質食材加上廚師手藝非常匹配。兩種不同食法的牛，同樣是非常滑身。有圖有真相！另一個牛舌拌青蔥醬油都好有特色，牛舌軟綿綿， 非常口感。同平時食嘅有啲唔同，係更加有彈性但係質感更加薄身。唔同部位嘅和牛脂肪分布都唔同，同樣係近乎入口即溶，牛味十足。和牛西冷都不遑多讓， 牛香味濃。有一個特選和牛配黑松露，濃郁和牛肉質甜蜜，加上黑松露散發誘人幽香，簡直係絕配。還有一個和牛肉醬闊條麵，牛肉醬調製得非常滋味，麵條柔韌兼備，非常飽肚。最後嘅甜品都係自家調製，吃飽飽後再嘗呢款甜品零舍令人滿足。呢個就係我再嚟嘅原因喇。