熨烤達人 (已結業)

香港人真係好鍾意新屎坑，愈多人排隊，愈新奇古怪，就會愈鍾意。作為年青新一代，我都會貪玩貪新鮮，最鍾意試，當然毒品犯法野唔會掂。 知道旺角附近開左間用熨斗熨肉既韓燒店，我決意要試一下，因為我朋友講得岩：「在家，我地連衫都唔會熨，宜家就要黎熨豬肉，太有gimmick了」。行到洗衣街，就有店員在派宣傳單張同贈品，我都拎左份，然後店員熱心指點我方向位置，好易搵到了。鋪頭入面裝修都係非常型格既，好raw咁，用上既係石磚牆同拉閘牆咁，好韓國呀 食物方面有韓燒燒肉、海鮮，亦都有d小食、主菜、鍋類等，配合番每個人既口味呢!我地叫左個熨斗烤壓$480，有五花腩、肥牛、牛小排、牛柳粒、雞髀菇、冬菇、翠玉瓜。原來係跟豬皮，但我地有個嘴挑外國朋友同本地朋友，所以我地問左經理，轉左要雞腎。各款牛肉肉質鮮嫩，而且肉味濃郁又juicy！最愛都係厚切既牛柳粒！呢世人都無熨個衫，今次就熨豬肉，我真心覺得好好笑就係咁將個熨斗放在五花腩上面四邊輪流壓一壓，令到個皮更加香脆，而且肉汁更鎖緊於肉入面。要左個水冷面，有條鮮果雪條，勁搞笑，有d九五搭八，哈哈哈。因為其實食完，條雪條都未溶，而且個雪條係咸既，同水果有d唔夾，不過令