Sense Cafe (已搬遷) 新店位置

sense呢間cafe係如果可以Lunch食12點先可以食到，因為佢12點一開門基本上好快就會滿座，要等位先有得食。對於我哋呢啲唔夠時間食個簡單午飯再跳落維港游45分鐘水嘅上班一族，如果要食要等位嘅餐廳，基本上要係一坐低就有得食再可以用5分鐘食完先可以諗，所以我哋通常都會食12點嘅時候先會狗衝過來食。佢嘅weekday lunch menu係好抵食，價位由$65至$95，有超過十個選擇，豬牛羊雞魚海鮮通通都有得揀，選擇較哂全面。我哋叫咗泰式香茅燒春雞、香煎鯖魚柳配日式鰻魚汁、蒜蓉汁香煎厚豬扒飯、蒜香白酒鮮蜆扁意粉、菠菜忌廉蟹肉扁意粉、蒜香燒羊架伴飯。特別推介個燒羊架，$82有三大件羊架，燒得好香口，羊肉都好淋身入味，鍾意食mint jelly嘅話就一定要問老細攞多碗Mint jelly先夠喉!如果唔想太heavy,可以考慮菠菜忌廉蟹肉扁意粉，蟹肉份量都好多，菠菜又中和返忌廉嘅滯，但唔好睇佢份量好似好少，一個正常食量女仔係食唔晒架。基本上每個lunch set都包餐湯同飲品，所以都好飽好抵食。