影片
更多
2017-10-16
197 瀏覽
Weekend同朋友行街時無意中發現左呢間餐廳，比佢外牆既壁畫吸引左，咁就同決定入去食個lunch飲杯野。一入到去餐廳見到裝潢好美式，成個感覺好chill，而且人唔多，係一個好適合過悠閒下午既地方。我同朋友叫左兩個lunch，分別係Beef Cheek Linguine同Truffled Wild Mushroom Orzotto。Beef Cheek LinguineBeef Cheek既脂肪同肉既比例剛好，肉質煮得好軟身同入味，而且醬汁仲調配得同牛肉既味道好夾。除左牛肉，入面仲有洋蔥同野菌等等，好豐富。意粉屬於偏幼同扁身，略嫌煮得比較硬身，但好入味，整體黎講係唔錯。Truffled Wild Mushroom Orzotto值得一讚既係廚師將松露味拿捏得好好，唔會太過Over，連我呢個本身唔太好松露既人都接受到。成個sauce都好滑身好creamy，味道好香口濃郁。至於Orzotto係麥型意粉，有少少似Risotto，但就以小麥製造同口感比較軟身，呢到既Orzotto煮得軟硬適中，似飯既同時又似意粉，令我第一次試Orzotto就愛上左呢種咁得意既口感，唔錯。飲品方向我同朋友都選左G
一入到去餐廳見到裝潢好美式，成個感覺好chill，而且人唔多，係一個好適合過悠閒下午既地方。
我同朋友叫左兩個lunch，分別係Beef Cheek Linguine同Truffled Wild Mushroom Orzotto。
Beef Cheek Linguine
Beef Cheek既脂肪同肉既比例剛好，肉質煮得好軟身同入味，而且醬汁仲調配得同牛肉既味道好夾。除左牛肉，入面仲有洋蔥同野菌等等，好豐富。意粉屬於偏幼同扁身，略嫌煮得比較硬身，但好入味，整體黎講係唔錯。
Truffled Wild Mushroom Orzotto
值得一讚既係廚師將松露味拿捏得好好，唔會太過Over，連我呢個本身唔太好松露既人都接受到。成個sauce都好滑身好creamy，味道好香口濃郁。至於Orzotto係麥型意粉，有少少似Risotto，但就以小麥製造同口感比較軟身，呢到既Orzotto煮得軟硬適中，似飯既同時又似意粉，令我第一次試Orzotto就愛上左呢種咁得意既口感，唔錯。
飲品方向我同朋友都選左Ginger Ale，食下飯望下風景咁又過左一個下午，感覺真係好relax好寫意。
張貼
