影片
更多
2019-04-15
58 瀏覽
過左忙碌既一週，星期六日真係要對自己好點。除左buffet，我仲好鍾意食 brunch，每逢上網見到邊度有brunch我都會去試下~ 有d餐廳既Brunch係提供散點全日早餐、Egg Benedict、pancake 這一類。而我講既係Semi buffet那種的brunch!! 即係前菜、沙律、甜品係自助餐形式供應，另外有一份主菜~上次去英皇駿景酒店既駿景軒食火窩，留意到lobby既Monkey Cafe 有Weekend brunch~ 所以呢個周末我選擇左黎試下，而本月既主題係東南亞半自助餐~ 特別中意呢度既高樓底，感覺特別relax！仲見到楊老闆添~半自助餐少不了既海鮮冷盤、煙三文魚、cold cut~仲有羅馬生菜、粟米、青瓜等配料，可以整一個凱撒沙律!! 配合主題，餐湯係肉骨茶。最近回南天氣正好祛一袪濕。藥材味道濃，真材實料，入口甘香～ 泰式蒜香炒蟹真係幾驚喜，係少有喺brunch buffet 出現既菜色~超香炸蒜，食左一邊蟹拑，蟹肉誘人鮮味肉厚泰式炒大蜆用上香草、蒜蓉，有辣椒但比車厘茄中和左，味道唔會好辣，酸酸地幾開胃，蜆肉大隻鮮甜，食左幾隻都無沙~海南雞皮油潤肥美，口感
除左buffet，我仲好鍾意食 brunch，每逢上網見到邊度有brunch我都會去試下~
有d餐廳既Brunch係提供散點全日早餐、Egg Benedict、pancake 這一類。
而我講既係Semi buffet那種的brunch!! 即係前菜、沙律、甜品係自助餐形式供應，另外有一份主菜~
上次去英皇駿景酒店既駿景軒食火窩，留意到lobby既Monkey Cafe 有Weekend brunch~
所以呢個周末我選擇左黎試下，而本月既主題係東南亞半自助餐~
特別中意呢度既高樓底，感覺特別relax！仲見到楊老闆添~
半自助餐少不了既海鮮冷盤、煙三文魚、cold cut~
仲有羅馬生菜、粟米、青瓜等配料，可以整一個凱撒沙律!!
配合主題，餐湯係肉骨茶。最近回南天氣正好祛一袪濕。藥材味道濃，真材實料，入口甘香～
泰式蒜香炒蟹真係幾驚喜，係少有喺brunch buffet 出現既菜色~超香炸蒜，食左一邊蟹拑，蟹肉誘人鮮味肉厚
泰式炒大蜆用上香草、蒜蓉，有辣椒但比車厘茄中和左，味道唔會好辣，酸酸地幾開胃，蜆肉大隻鮮甜，食左幾隻都無沙~
海南雞
皮油潤肥美，口感嫩滑不韌，配上甜豉油薑蓉更添風味。
菠蘿炒飯
賣相吸引，炒飯粒粒金黃，菠蘿果肉鮮甜多汁，仲有蜆肉，味道唔錯!
輕嘗自助吧，要留肚食主菜了。我點左香煎龍脷柳配菠蘿沙沙汁~
龍脷柳兩邊煎得乾身，不過旁邊既伴汁略咸，沾上菠蘿汁食都幾清新~
最後當然要食甜品啦～
雖然款式唔算多，但每樣一件都好滿足。
話明東南亞主題當然唔少得班蘭糕點，呢度有我最愛既千層糕~
口感軟身，淡淡椰奶班蘭香味。
另外,綠茶紅豆慕絲蛋糕淡淡嘅抹茶味，濃濃嘅奶香亦要食多2件吖!!
呢度設有自助餐飲區，有咖啡機，亦可自行沖調檸茶、檸水、奶茶等。。
我就飲杯咖啡，好好享受一下周末～
張貼
