影片
更多
2024-07-24
84 瀏覽
今日同朋友去西環做運動後，跟住就喺附近食午餐，我就記得前日我個同事介紹我，去做完運動就去呢間餐廳食嘢啦，佢話間餐廳啲食物質素好高，同埋煮得好食，這間餐廳叫South Lane，位於西環石塘咀南里14號地舖，港鐵香港大學站B2出口，行兩分鐘就到，非常方便。餐廳嘅裝修好簡約新淨，以木系為主調，地方寬敞，座位闊落，令人坐得舒適，非常適合同朋友來聚會。餐牌嘅午餐食品都好特別，我哋就選咗香煎魚配薯蓉同海鮮叻沙，而飲品就叫咗Green Detox 同Chocolate Mocha。餐牌我哋仲見到抵食嘅下午茶餐，有鬆餅、蛋糕、三文治、漢堡包、有機雞蛋多士、椰子班戟、沙律，啲食物相見到樣樣都好吸引，價錢又唔貴，而且下午茶時間最好係同朋友嚟傾計輕食，這間餐廳來食真係唔錯。香煎魚配薯蓉 Catch of the day係非常新鮮嘅大大塊鱸魚，鮮甜肥美的魚肉好細膩爽滑，魚油甘香味美，魚皮煎得香脆，鱸魚嘅味道非常鮮味，不是腥味，入口啖啖肉，又令口感柔軟，與鱸魚下邊嘅薯蓉亦磨到超滑好食，又吸收埋甘香嘅魚油同煎埋好香嘅檸檬汁，加上新鮮青菜同用白啤酒調味，非常配合同鱸魚一齊食，真係令人食到停唔到口。海鮮叻沙 Sea
餐牌嘅午餐食品都好特別，我哋就選咗香煎魚配薯蓉同海鮮叻沙，而飲品就叫咗Green Detox 同Chocolate Mocha。餐牌我哋仲見到抵食嘅下午茶餐，有鬆餅、蛋糕、三文治、漢堡包、有機雞蛋多士、椰子班戟、沙律，啲食物相見到樣樣都好吸引，價錢又唔貴，而且下午茶時間最好係同朋友嚟傾計輕食，這間餐廳來食真係唔錯。
香煎魚配薯蓉 Catch of the day係非常新鮮嘅大大塊鱸魚，鮮甜肥美的魚肉好細膩爽滑，魚油甘香味美，魚皮煎得香脆，鱸魚嘅味道非常鮮味，不是腥味，入口啖啖肉，又令口感柔軟，與鱸魚下邊嘅薯蓉亦磨到超滑好食，又吸收埋甘香嘅魚油同煎埋好香嘅檸檬汁，加上新鮮青菜同用白啤酒調味，非常配合同鱸魚一齊食，真係令人食到停唔到口。
海鮮叻沙 Seafood Laksa 份量都唔少，上枱碗海鮮叻已經聞好香嘅味道，湯味香濃，飲落味道好適中，唔喊唔淡唔辣，餐廳做嘅調味料做得不錯，完全唔覺有味精，食完亦唔覺得口渴，海鮮有鮮魚柳、鮮蝦、鮮蜆，樣樣超新鮮，魚柳軟滑好味，又係一啲腥味都冇，魚柳都厚厚，令人食落好有豐富口感，鮮蝦亦大大隻，蝦肉咬落鮮甜彈牙，亦唔見有蝦腸在，非常清潔，鮮蜆都好多粒，蜆肉亦鮮甜爽滑，連埋叻沙湯麵一齊食，食完後都令人難忘。
Green Detox係一杯非常健康嘅飲品，綠色排毒，多種唔同嘅綠色蔬菜調製而成，味道令口感好清新，仲有落薑，以為會辣，只係帶有微辣味，還有健康有益嘅羽衣甘藍，我最後連羽衣甘藍都食埋，非常爽口，絕對係健康一流嘅飲品。Chocolate Mocha嘅朱古力味道夠濃郁，加埋個靚靚拉花，賣相唔錯，朱古力加重咖啡嘅味道，飲落好香濃，令口感好順滑，非常唔錯好好飲。
這間餐廳好值得推薦俾大家，食物真係好新鮮，餐廳有煮得好食，食物質素又高，店員服務態度又好，我哋下次都一定再來食。
張貼
