影片
更多
2022-01-17
124 瀏覽
千両可以話係我同老公嘅週末飯堂，差唔多隔個星期六我哋就會嚟到九龍酒店分店食晏。好好彩，我同老公差唔多每次嚟都可以安排到卡位，座位好寬敞舒適，燈光又好昏暗慵懶，慢慢地悠然地嘆個日本午餐，一解工作壓力。我嘅首選永遠都係千両便當，內有多款食品，每樣細細份，份量啱啱好，可以滿足貪心、樣樣都想食少少嘅我。便當🍱內有麵豉湯、海鮮蒸水蛋、（鰹魚汁？）硬豆腐、燒魚、細魚生丼、魚生（一隻大蝦、兩片三文魚同半粒帶子）同一個細甜品（雪糕糯米糍），加$8有杯凍/熱炭燒咖啡或果茶。豐富我老公受我影響，而家都會一齊嗌便當。麵豉湯：熱辣辣，一飲心舒暢。裡面有一粒粒細菇，好滑，加埋昆布感覺好健康，好香麵豉味，又唔會太鹹。海鮮蒸水蛋：水蛋好嫩滑，裡面有一隻蝦同一粒元貝，唔知係咪用咗雞湯定因為啲海鮮，水蛋好有鮮味，最後連啲汁都食乾淨。硬豆腐：之前一直係麻醬雜菜粟米沙律，今日第一次俾豆腐，我鍾意豆腐多過沙律。但我比較鍾意軟豆腐嘅口感，不過加咗鰹魚汁（？），硬豆腐都食得好滋味，味道好鮮好夾。燒魚：燒得好香，魚肉鮮嫩，加埋檸檬汁吊一吊味，正！（但唔知係咩魚）細魚生丼：份量啱啱好，飯淡淡嘅醋酸味，加埋蛋絲嘅甜味，好夾好開胃。魚生
我嘅首選永遠都係千両便當，內有多款食品，每樣細細份，份量啱啱好，可以滿足貪心、樣樣都想食少少嘅我。便當🍱內有麵豉湯、海鮮蒸水蛋、（鰹魚汁？）硬豆腐、燒魚、細魚生丼、魚生（一隻大蝦、兩片三文魚同半粒帶子）同一個細甜品（雪糕糯米糍），加$8有杯凍/熱炭燒咖啡或果茶。豐富
千両便當
$148
7 瀏覽
0 讚好
0 留言
我老公受我影響，而家都會一齊嗌便當。
麵豉湯：熱辣辣，一飲心舒暢。裡面有一粒粒細菇，好滑，加埋昆布感覺好健康，好香麵豉味，又唔會太鹹。
海鮮蒸水蛋：水蛋好嫩滑，裡面有一隻蝦同一粒元貝，唔知係咪用咗雞湯定因為啲海鮮，水蛋好有鮮味，最後連啲汁都食乾淨。
硬豆腐：之前一直係麻醬雜菜粟米沙律，今日第一次俾豆腐，我鍾意豆腐多過沙律。但我比較鍾意軟豆腐嘅口感，不過加咗鰹魚汁（？），硬豆腐都食得好滋味，味道好鮮好夾。
燒魚：燒得好香，魚肉鮮嫩，加埋檸檬汁吊一吊味，正！（但唔知係咩魚）
細魚生丼：份量啱啱好，飯淡淡嘅醋酸味，加埋蛋絲嘅甜味，好夾好開胃。魚生有吞拿魚、三文魚粒同魚籽，好新鮮！
魚生：賣飛佛帶子好厚身好鮮甜，可惜得半粒，唔夠喉！鮮蝦刺生都好正，大大隻，啖啖肉，肉質彈牙，味好鮮甜！三文魚都唔錯。
凍炭燒咖啡
2 瀏覽
0 讚好
0 留言
估唔到佢哋嘅咖啡都同樣出色！味道好香濃，最緊要係唔澀亦無酸味，加埋鮮奶（淡奶），口感變得更滑同creamy！
另外要大讚服務生，超專業，超有禮貌，談吐超大方得體，簡直就係高級餐廳嘅服務！
張貼
