影片
更多
2020-03-18
2627 瀏覽
最滿意嘅生日飯！老公之前同朋友食過，話一試難忘！我心諗：有冇咁誇張呀，點知真係充滿驚喜！好滿意！首先，餐廳送嘅包...竟然係有原個燒蒜頭！好香好野味！左邊係牛油，右邊係olive oil配酸瓜，有酸瓜好開胃，完全中和左油嘅感覺。個包係好熱，外脆內軟...我同老公話咁快就K.O左最正係！佢地見我地食完，即上多左碟比我地再食前菜我地叫左2碟，第一碟係牛油果沙律！表面睇落平平無奇，個賣相黎到都有d失望！點知芝士入面係有一粒粒嘅白粟米！日本餐廳食得多！西餐真係第一次食！原來係可以咁夾。牛油果好滑好靚，蕃茄新鮮飽滿，白粟米同小小嘅唔知係米洋蔥碎，令到芝士同牛油果食落一d都唔膩。出色！第二碟前菜，一黎都係覺得賣相一般啦🤪辣牛肉腸！一食就知係佢地自製，係出面未食過嘅味道！辣味控制得好好，冇遮蓋牛肉味，伴碟嘅沙律普通。主菜上前，佢地先幫我地一人換左隻大熱碟！溫馨提示，隻碟真係好熱🤪😂我多手摸左下。牛到啦！我地叫左USDA Rib eye 13onz. 佢地比一比你睇之後會幫你切埋條！好細心！medium rare, 真係做得好完美！第一刀切落去，心諗把刀咁鋒利，咁好切嘅！點知食落真係咁淋！和牛咁嘅口感
老公之前同朋友食過，話一試難忘！我心諗：有冇咁誇張呀，點知真係充滿驚喜！好滿意！
首先，餐廳送嘅包...竟然係有原個燒蒜頭！好香好野味！左邊係牛油，右邊係olive oil配酸瓜，有酸瓜好開胃，完全中和左油嘅感覺。個包係好熱，外脆內軟...我同老公話咁快就K.O左最正係！佢地見我地食完，即上多左碟比我地再食
前菜我地叫左2碟，第一碟係牛油果沙律！表面睇落平平無奇，個賣相黎到都有d失望！點知芝士入面係有一粒粒嘅白粟米！日本餐廳食得多！西餐真係第一次食！原來係可以咁夾。牛油果好滑好靚，蕃茄新鮮飽滿，白粟米同小小嘅唔知係米洋蔥碎，令到芝士同牛油果食落一d都唔膩。出色！
第二碟前菜，一黎都係覺得賣相一般啦🤪辣牛肉腸！一食就知係佢地自製，係出面未食過嘅味道！辣味控制得好好，冇遮蓋牛肉味，伴碟嘅沙律普通。
主菜上前，佢地先幫我地一人換左隻大熱碟！溫馨提示，隻碟真係好熱🤪😂我多手摸左下。牛到啦！我地叫左USDA Rib eye 13onz. 佢地比一比你睇之後會幫你切埋條！好細心！medium rare, 真係做得好完美！第一刀切落去，心諗把刀咁鋒利，咁好切嘅！點知食落真係咁淋！和牛咁嘅口感，但係牛味一流之餘而唔係得脂肪個隻！食過咁多間！真係佢最好味！牛扒個面煎得好香，咩都唔洗加，只係小小鹽就已經足夠。
佢仲要有個小炭爐咁上，令你嘅牛係唔會凍左！佢嘅炭係好細粒嘅碎炭，食到最尾牛係會由medium rare變到medium. 但都完全冇改變到佢好食嘅程度！普通已經咁！下次真係要試下貴個隻有幾勁先！
我地加左2個side dish. Side dish相比牛實在冇乜特別，因為個牛太出色
飽到一個點都要試試佢嘅甜品，女人仔就係有2個胃個pancake唔知點解係好滑！以為得塊皮咁，但塊皮都可以咁滑🤩佩服！雲呢拿雪糕，好明顯見到雲呢拿籽，味道重而細滑。
張貼
