影片
更多
2013-02-07
90 瀏覽
又係上堂前的晚餐, 因為上星期3去了食了個好鬼「流」的蛋飽飯去上堂, 飯氣攻心, 所以今次就選番2星期前的呢間好FRESH的FOOD來食, 要試埋其他的菜。由於上星期已經好想食他們的SHABU-SHABU, 所以本來想約早點來到, 但朋友提醒我他們是開6:00PM的, 所以照舊6:00PM 去到食。今次同上次一樣, 我們2個人都係沒有BOOK位的。環境由於我先到, 我先上去。一上到去, 侍應即係好有禮貌地用日文「いらっしゃいませ！」歡迎我!!! 之後就問我幾多位同有冇BOOK位, 我回了他們之後, 很快就帶我坐在上上星期的同一張TABLE。 這個時間 除了侍應同廚師之外 (係開放式廚房入面) 在做一些準備的工作, 都沒有其他人了。我們原來是今晚第一個客人。 我坐下不久, 又有另一個女士來了, 侍應問了同一個問題, 女士答左同一個答案, 但佢竟然安排女士坐出去露台的位置。 「難道今晚真的好FULL???!!」我心想...明明旁邊又好多空TABLE。仔細一看, 這裡真的設計的好好, 燈光好柔和, 令人好relax, 好像去了舒服的cafe一樣。開放式廚房廚房個邊就好光亮, bar ta
由於上星期已經好想食他們的SHABU-SHABU, 所以本來想約早點來到, 但朋友提醒我他們是開6:00PM的, 所以照舊6:00PM 去到食。今次同上次一樣, 我們2個人都係沒有BOOK位的。
環境
由於我先到, 我先上去。一上到去, 侍應即係好有禮貌地用日文「いらっしゃいませ！」歡迎我!!! 之後就問我幾多位同有冇BOOK位, 我回了他們之後, 很快就帶我坐在上上星期的同一張TABLE。 這個時間 除了侍應同廚師之外 (係開放式廚房入面) 在做一些準備的工作, 都沒有其他人了。我們原來是今晚第一個客人。 我坐下不久, 又有另一個女士來了, 侍應問了同一個問題, 女士答左同一個答案, 但佢竟然安排女士坐出去露台的位置。 「難道今晚真的好FULL???!!」我心想...明明旁邊又好多空TABLE。
仔細一看, 這裡真的設計的好好, 燈光好柔和, 令人好relax, 好像去了舒服的cafe一樣。開放式廚房廚房個邊就好光亮, bar table前的蘆薈 (應該係 刺身用) 同整齊裝食物的碗具都閃閃發光, 令焦點集中在那裡。但我其中稍為有點在意的就是我們table上的燈有一個是沒有著到, 唔知係唔係冇注意到?!
食物
之前講過我們是想來食SHABU-SHABU, 當朋友到了之後, 我們就叫侍應來問問SHABU-SHABU係點樣, 因為SHABU-SHABU有2個價錢 $380 同 SET $480。 侍應都好清晰地講了比我地聽...原來SHABU-SHABU 係2人起計, $380 是 一人價錢 。$480 SET 是包了3樣野 SHABU-SHABU + 蘆薈刺身 + 新鮮蔬菜伴銀魚汁。 太貴了 , 如果2個人就不會試了。 所以我們最後選了其他DISHES, 跟上次一樣, 都係4個小菜:
。新鮮蔬菜伴銀魚汁
。小海老牛油果水菜生春卷
。三文魚柳
。海鮮香草炒扁意粉
D名字可能不對, 因為D名字太長了, 是不會記的。下次會將餐牌影底, 「小海老牛油果水菜生春卷」應該係岩的, 因為之前有人亦食過呢道菜.。
新鮮蔬菜伴銀魚汁
先講賣相, 上次我們食緊野時, 已經見到隔隔離TABLE有人食緊呢道菜 (當然是我們ORDER時, 叫侍應講比我地聽係, CONFIRM係呢度菜先ORDER), 但來到時都係真點震撼、愕然 和 興奮。「震撼」的是這個好像藝術品一般的菜式放在我們面前, 五顏六色, 色彩繽紛。「愕然」就是佢只有幾條菜 同醬同冰, 就承惠$140港元, 我地真係太奢侈。「興奮」 緊係終於要試佢了。說到味道方面, 有些菜是我們都不太清楚的, 不過就係唔明D菜點解甘FRESH甘甜?, 係菜原本的清甜, 可能因為呢個就係佢地標榜D菜係日本空新鮮空運到港的吧。
呢個菜係跟銀魚汁(醬), 點來食的。由於剛剛開門, 所以醬料係雪櫃雪得杰左, 要暖番解凍?! 當然唔係, 上次我們見人地食的時間都係用香蕉爐「興」住個醬汁的。侍應跟我們說要等個醬熱左D先好食, 但由於佢係第一度菜上又差不多6點3 4 先來, 所以我地都沒有等個汁熱左就開始食。個銀魚汁, 好像腐乳甘既樣, 但充滿濃濃魚的味道, 味道適中不會太咸, 剛剛好。凍凍地點係個D菜上面都好好食, 不過食下食下佢D醬真係暖左D時, 更加濃郁好味 。小海老牛油果水菜生春卷
當我們快要KO 「新鮮蔬菜伴銀魚汁」時, 佢就上了呢個「小海老牛油果水菜生春卷」。看佢的樣子太精緻, 一人一條 @@", 好像貴了點。不過食落都好好味, 補番數。一開始朋友叫呢個時, 我以為好像越南餐廳甘係炸春卷。沒想到呢係COLORFUL 甘別緻, 大家拿完手機影完之後, 就開始食了。
個皮好煙韌, 好像越南米卷個皮甘。黃黃地色唔知係唔係加左蛋, 。個蝦好爽好食, 應該係同上次天婦羅一樣的, 不過我今次食時唔覺好有蝦味。
呢個都跟個醬, 好像千島醬的味道, 酸酸甜甜, 好開胃。比起剛剛的銀魚醬, 呢個清D CREAMY D。三文魚柳
當我們KO了之前2度菜, 其實個肚子已經唔餓了。小妹覺得是因為佢逐度逐度上菜的關係, 是食得比較健康 。 三文魚柳來時, 又係好精緻, 厚厚的一(小)舊三文魚, 旁邊伴了一個用了好多蔬菜煮的汁。我豪不客氣地切下去, 想不到不如想像般的結實, 一切下去, 魚已經沿刀分開2邊, 我將佢切成4小份之後, 就開始品嚐。
魚肉好嫩滑, 煮得剛剛好熟, 好味, 而且不會太肥膩。不過個汁更出色, 好CREAMY, 甜甜地, 同個三文魚好配合。加上佢用唔同蔬菜來煮, 我食到的有南瓜, 茄子, 仲有好像是蘿白, 同蔥, 口感一流。海鮮香草炒扁意粉
食完頭3樣, 原來已經7:05分, OH MY GOD, 我們會遲到了。所以請侍應吹吹佢地出埋最後一個意粉, 侍應轉個頭, 個意粉就出來了。不過個意粉比想像中還小, 但我們已經飽了, 所以都OK 。回想上次那個牛油瓜吞拿魚飯就真的好抵, 價錢好像比呢個貴了10蚊8蚊左右。這個配料都好豐富, 有青口, 大粒帶子, 八爪魚, 蕃茄。 個意粉煮得剛剛好, 是有口流, 硬身的。用了PESTO SAUCE來炒, 味道好好。不過就跟呢度的清新感覺背道而馳, 因為可能落得太多SAUCE, 個意粉好油(雖然是OLIVE OIL。 味是好味, 就是太多油。食完之後, 由於我們趕住去上堂, 所以忽忽埋了單, 每人$220, 雖然比上次的貴了一點, 但都夠飽。 我覺得今次的視覺效果比上次更好 (可能是因為第一度菜), 呢度就像係日本旅館食到的「夕食」一樣, 好精緻, 好靚, 好清新而不俗的好味, 跟去食中菜印度菜的好味不同。我雖然係比較喜歡中菜上海菜四川菜印度菜的濃烈又香又刺激的味道, 但試過2次呢度, 覺得呢度的日本菜係另一種清新的味道。佢先滿足了你視覺上的享受, 再刺激你的味蕾, 達到好好的效果。
張貼
