Wingman (已結業)

聽講Wingman係香港第一間雞翼放題嘅餐廳，經過旺角新城，於是決定上去試吓☺️雞翼口味真係包羅萬象，各式各樣中西式口味都有，真係眼花撩亂，經過幾番掙扎後，決定叫兩款濕身(Saucy)雞翼😚黑芝麻海鮮蜂蜜 Hoisin Glazed ($69/6 pcs)- 滿滿嘅黑芝麻佈滿係雞翼表面，好足料；蜂密嘅甜味相當突出，甜蜜嘅醬汁充分被雞肉吸收，香味濃郁，每啖都滋味滿滿😍加勒比海香辣雞 Caribbean Jerk ($69/6 pcs)- 辣味都非常突出，香辣得嚟帶點微酸香濃可口，雞翼入味，肉質都幾鮮嫩，香濃惹味，配搭埋微焦嘅菠蘿清甜爽口，都幾唔錯😜Saucy Dips ($20/3 dips)- 叫咗3款口味嘅dips——Garlic Aioli, Blue Cheese同埋Sweet Chilli，個人最鍾意大蒜蛋黃醬，蒜味濃郁，配搭甜番薯條，非常有風味😋甜番薯條 ($55)- 甜番薯條炸得好香脆，入口熱辣辣，配搭埋saucy dips好正☺️食得咁邪惡好食嘅雞翼緊係要叫埋coke，凍冰冰嘅可樂真係一絕😚餐廳設計都玩味十足㗎，風格時髦，坐得都幾舒服，雞翼口味又夠晒多元，啱晒雞翼迷到此一遊😊