WIRED CAFE (已結業)

今日相約同友人在銅鑼灣吃飯，喺希慎廣場最高嗰幾層搵嘢食，見到呢間頂層cafe坐得幾舒服，同埋個裝修幾靚。 入面唔算太多人，我哋有一個卡位可以坐，個卡位望住對面嘅大廈，鬧市中嘅夜景唔錯。 入邊大部份嘅主食都係100蚊樓下，餐牌上重顯示信用卡付款會有八折，感覺幾抵食，同行嘅有人叫咗意粉，而我叫咗一個沖繩塔可飯。 等咗大約十分鐘，沖繩塔可飯送上，個擺設同圖片一模一樣，值得加分。 入面有好多唔同嘅配料，例如牛油果牛肉芝士蕃茄，仲有半碟係沙律，仲有隻溫泉蛋，啲配料都好新鮮，可以撈埋啲飯一次過食，加埋沙律醬好開胃。