田浦食肉

營業中

休息中

是日驚喜韓燒！行過呢間舖頭好多次，今次終於決定要入嚟試試。一坐低，店員已經好快上晒各式各樣嘅前菜，有沙律有泡菜，重有唔同調味料。之後我哋叫咗一個有豬有牛嘅燒烤套餐。豬肉同牛肉嘅份量都相當大，牛嘅油脂好豐富，三個人嗌一個800g燒肉套餐，再加上一個海鮮煎餅同埋雞蛋羹都好夠食，重點係，呢間餐廳啱晒懶惰嘅人，因為全程都係由店員親手幫你燒，唔使驚整污糟同埋燒到自己好大浸味！整體嚟講，性價比非常高，下次會再嚟幫襯。