Okapi (已結業)

餐廳地點較難搵, 睇住地圖都可以行錯路。幸好朋友特地係街上接我，否則我應該一世都搵唔到 (利申:我係半個路痴)晚上7:30，餐廳只有十數個人，我地個位係正冷氣下面，侍應手腳好快，叫佢地幫手熄細啲個風，好快就有人做野。第一次食，緊係要試下好多人推介嘅豬扒啦！ 大大塊厚切豬扒，一個字『juicy』，豬扒醃得好入味，肉質淋得黎又有咬口，不過啲菜就油左啲啦。第二樣就係海鮮意大利粉，比較一般，價錢偏貴。食完主菜，侍應不停咁問我地叫唔叫甜品，短時間問左三次，唔知係咪趕收工，最後我地決定埋單走人。