影片
更多
2024-12-17
270 瀏覽
諗好聖誕去邊慶祝未呢？上星期去咗美麗華商場內嘅Mooo!食扒，係高級扒房wooloomoolo嘅姊妹餐廳，肉類有一定保證，但價錢相宜好多，整體性價比好高！環境都好靚，坐得舒服，而且已經有聖誕佈置，成個vibe幾好！佢逢星期日至星期四都有個Surf & Turf Set dinner，有Starter + Main Course $395，好抵！不過我哋星期五去，a la carte選擇都好多。呢度嘅牛扒全部經過28日濕式熟成，揀咗澳洲穀飼200日安格斯M3肉眼扒($435)，肉眼肉味濃郁，經過濕式熟成，肉質嫩滑柔軟，食落有肉汁！薯條（$55）都外脆內軟，好食。除咗扒類之外，呢度仲有好多sharing plates , eg 意粉、飯、青口、春雞等，特別推薦比較少見嘅原條牛骨髓慢煮牛腩威靈頓($288)！大廚將燉煮過的牛腩與炭燒過牛骨髓，包裹在金黃香脆嘅酥皮內焗製，牛腩燉得好鬆化，食嘅時候再舀一羹牛骨髓放喺面，連埋酥皮一齊食，脂香十足又口感豐富，必點！Smoked Salmon Salad ($108)有煙三文魚、炸過嘅ham、鵪鶉蛋、炸薯仔粒，加埋新鮮爽脆嘅沙律菜，開胃清新！呢度嘅Co
上星期去咗美麗華商場內嘅Mooo!食扒，係高級扒房wooloomoolo嘅姊妹餐廳，肉類有一定保證，但價錢相宜好多，整體性價比好高！環境都好靚，坐得舒服，而且已經有聖誕佈置，成個vibe幾好！
佢逢星期日至星期四都有個Surf & Turf Set dinner，有Starter + Main Course $395，好抵！不過我哋星期五去，a la carte選擇都好多。
呢度嘅牛扒全部經過28日濕式熟成，揀咗澳洲穀飼200日安格斯M3肉眼扒($435)，肉眼肉味濃郁，經過濕式熟成，肉質嫩滑柔軟，食落有肉汁！薯條（$55）都外脆內軟，好食。
除咗扒類之外，呢度仲有好多sharing plates , eg 意粉、飯、青口、春雞等，特別推薦比較少見嘅原條牛骨髓慢煮牛腩威靈頓($288)！
大廚將燉煮過的牛腩與炭燒過牛骨髓，包裹在金黃香脆嘅酥皮內焗製，牛腩燉得好鬆化，食嘅時候再舀一羹牛骨髓放喺面，連埋酥皮一齊食，脂香十足又口感豐富，必點！
Smoked Salmon Salad ($108)有煙三文魚、炸過嘅ham、鵪鶉蛋、炸薯仔粒，加埋新鮮爽脆嘅沙律菜，開胃清新！
呢度嘅Cocktails選擇都好多，今個月仲有兩款聖誕限定嘅飲品，不過我哋就試咗2款餐廳招牌以茶入饌嘅Tea-tails 。
🐉藏龍($98)
Tarsier粉紅氈酒、紅茶、火龍果、乳酪，香濃果香，好容易入口！
🍊遍地黃柑（$98）
Two moons四季柑氈酒、桂花烏龍茶、蜜糖、檸檬，估唔到呢個配搭都幾夾！
張貼
