影片
更多
2019-01-18
664 瀏覽
今日同朋友喺銅鑼灣食完野想chill下，就去咗附近嘅摩理臣山道睇吓有咩bar。其中一間吧嘅招牌非常閃耀，叫WTF bar，我地見個名幾特別，就膽粗粗入咗去。吧枱嘅櫃充滿各式各樣嘅酒，非常搶眼。整體餐廳唔算大，但環境好relaxing。另外天花上既吊燈亦係WTF bar一大特色。坐低冇耐就會送上nuts。坐低之後就會慢慢明白點解餐廳叫WTF，因為餐廳驚喜不斷。首先係cocktail嘅種類，餐牌上起碼有30種唔同嘅cocktail，職員見我哋非常迷惘，就問我地想飲乜嘢類型嘅cocktail，我地諗住一開始飲啲甜啲嘅。職員立既介紹咗我哋兩種cocktail。第一杯叫London &Tokyo，呢杯cocktail杯外型似椰子，非常特別。味道方面，較重檸檬味，非常清新，易入口。另外杯上面會擺滿水果或乾果，充滿滿載而歸嘅感覺。另外一杯職員推介嘅cocktail 叫My Tai Tai，上嘅時候真係講咗句WTF，因為個杯非常吸引，係一個獸人坐喺俘虜骨頭上面，杯上面亦擺滿乾果同水果，味道亦係甜，易入口。咁啱今日係星期四，有live music，駐場歌手係菲律賓人，唱得非常好聽，聲音相當有磁性，唱嘅歌
吧枱嘅櫃充滿各式各樣嘅酒，非常搶眼。整體餐廳唔算大，但環境好relaxing。
另外天花上既吊燈亦係WTF bar一大特色。
坐低冇耐就會送上nuts。
坐低之後就會慢慢明白點解餐廳叫WTF，因為餐廳驚喜不斷。
首先係cocktail嘅種類，餐牌上起碼有30種唔同嘅cocktail，職員見我哋非常迷惘，就問我地想飲乜嘢類型嘅cocktail，我地諗住一開始飲啲甜啲嘅。職員立既介紹咗我哋兩種cocktail。第一杯叫London &Tokyo，呢杯cocktail杯外型似椰子，非常特別。味道方面，較重檸檬味，非常清新，易入口。另外杯上面會擺滿水果或乾果，充滿滿載而歸嘅感覺。
另外一杯職員推介嘅cocktail 叫My Tai Tai，上嘅時候真係講咗句WTF，因為個杯非常吸引，係一個獸人坐喺俘虜骨頭上面，杯上面亦擺滿乾果同水果，味道亦係甜，易入口。
咁啱今日係星期四，有live music，駐場歌手係菲律賓人，唱得非常好聽，聲音相當有磁性，唱嘅歌亦係我嘅favourite，另外亦有一首medley song，聽得人如痴如醉，包括我同朋友。
亦因為咁樣，所以我哋就嚟second round，今次我哋想要烈啲既cocktail。經職員推介後我哋叫咗兩杯。第一杯係Rusty Nail，有啲似Whisky on rock，但層次更加豐富，而且飲落非常順滑。
我朋友第二杯cocktail對比我個杯rusty nail比較fruity小小，遠處已經聞到一陣肉桂香味，非常特別。
職員好識帶動氣氛，會同駐場歌手交流。另外亦同我地傾左兩三句，感覺每一位職員都好energetic同好有passion。
總括而言，WTF bar係一間充滿活力，而且氣氛一流嘅高質bar，期待下次嚟嘅時候，嚐到更多令我大叫WTF既cocktail。
張貼
