影片
更多
2017-07-15
1371 瀏覽
本人對蛋有種不能抗拒的喜愛感，但好少會有餐廳會煮得又香又滑又好食！今次去左元朗的一間蛋包飯小店，好有驚喜！佢係位於元朗教育路，地方有少少難揾，不過跟住電話地圖揾就可以！佢門口唔係唔算好明顯，大家要望清楚哦！店內用餐地方有日式佈置，好多好可愛的擺設。午餐會跟埋一個小小的田園沙律，再加多杯凍/熱的檸水或咖啡。晚餐去要+$8先有飲品了~ 另外大家記住要另+$18先有流心蛋，想有隻蛋反出黎的效果，記住同職員講要流心蛋啦！首先個小沙律，菜新鮮又脆，不過個汁唔多夠。「主角登場」木村雞柳蛋白飯 (配忌廉芝士白汁)！份量好大！職員會係你面前小心翼翼咁𠝹開隻Omelette。(絶對係拍片位) 佢反開個刻好療癒！隻蛋反出黎後，職員會幫你加紫菜粉。隻蛋真係好滑好有蛋香，食得出係用靚既蛋煮！入面的飯好漲卜卜好有水份，但仲keep到一粒粒有咬口！我叫的雞肉份量都有好多，基本上每口都有肉。雞柳煮到剛剛好，唔會太乾身！配埋我揀的忌廉芝士白汁，好creamy好滿足！呢個飯的份量真係唔小，建議2個細的女仔share一碟，再加份小食/魚生就剛剛好！男孩子，一定夠你食，唔洗加底！餐廳仲有其他小食、魚生、窩物等，大家可以同朋
本人對蛋有種不能抗拒的喜愛感，但好少會有餐廳會煮得又香又滑又好食！今次去左元朗的一間蛋包飯小店，好有驚喜！
佢係位於元朗教育路，地方有少少難揾，不過跟住電話地圖揾就可以！佢門口唔係唔算好明顯，大家要望清楚哦！
店內用餐地方有日式佈置，好多好可愛的擺設。
午餐會跟埋一個小小的田園沙律，再加多杯凍/熱的檸水或咖啡。晚餐去要+$8先有飲品了~ 另外大家記住要另+$18先有流心蛋，想有隻蛋反出黎的效果，記住同職員講要流心蛋啦！
首先個小沙律，菜新鮮又脆，不過個汁唔多夠。
「主角登場」木村雞柳蛋白飯 (配忌廉芝士白汁)！份量好大！職員會係你面前小心翼翼咁𠝹開隻Omelette。(絶對係拍片位) 佢反開個刻好療癒！隻蛋反出黎後，職員會幫你加紫菜粉。
隻蛋真係好滑好有蛋香，食得出係用靚既蛋煮！
入面的飯好漲卜卜好有水份，但仲keep到一粒粒有咬口！我叫的雞肉份量都有好多，基本上每口都有肉。雞柳煮到剛剛好，唔會太乾身！配埋我揀的忌廉芝士白汁，好creamy好滿足！
呢個飯的份量真係唔小，建議2個細的女仔share一碟，再加份小食/魚生就剛剛好！男孩子，一定夠你食，唔洗加底！
餐廳仲有其他小食、魚生、窩物等，大家可以同朋友一齊share。
張貼
