渣哥一九九六 (已結業)

今日（5-11-2020 Thur）放工後，同老公，男友人RK嚟德福睇戲兼食晚飯，由於我早到又有少少餓，最好喺喥食少少嘢，睇見呢喥嘅價錢都算公道，咁我就要$15.00有十粒嘅唔辣魚蛋。俾完錢即有，自己唧啲甜醬食，由於唔辣，所以只有魚味，口感都仍好唔會太腍，甜醬味道又唔太濃，幾好。其他:見佢煎釀三寶5件只係$25.00，同$30.00撈烏東幾抵，可惜當時未有人同我share。服務:雖然只係俾同找錢，但都好有禮貌。