拳王泰國餐廳 (已結業)

話說我係叱吒903 super fans, 而最鍾意既係當奴同少爺占，佢地成日大放笑蛋，成日令聽衆笑個半死。 今晚佢地響伊利沙伯體育館開Show，當然響附近食啲嘢先過去睇啦！ 誤打誤撞入左去間主題餐廳，係以打拳為主題成間店的櫈都係沙包皮做的， 而且有很多以打拳週邊用品display, 例如金腰帶，拳套等。 仲有幾個大電視播住打拳片，最為人熟識的VIU TV 的 G1格鬥。 粱挺師傅 我點左拳王炒飯，嚟到時炒飯香噴噴，仲熱辣辣。 賣相都幾好，顏色呈黃色， 面有幾隻大蝦。大蝦爽口彈牙， 又無雪味同唔死實實.飯又炒得一粒粒而且好夠鑊氣。另有蛋絲同葱粒，令香味提升。而煎蛋有燶邊, 十分香口, 有少許流心. 另叫左杯珍多冰走糖水，下面係碎碎的綠色粉團，上面係椰汁，員工很好，送來時，佢話如果甜的話同佢話，佢話會再調過，真係第一次有食店員工會咁主動滿足客人的了！！ 睇完Show,我地都好滿足，食過好味的一餐外，show 又好睇，無論餐廳定係艾粒仔都出了混身解數令他們的“產品”做到最好！ <<聲明:這是自費晚餐!>>