小滿定律

營業中

休息中

一路知道西貢有間好出名的Yogurt店，估唔到係西環分店，今日食完飯，特登留咗肚試呢個甜品！中午嘅時候嚟到竟然冇乜人！好直接就可以叫甜品！問店長有咩介紹，佢即刻指咗個龍虎榜俾我睇！我好自然就跟住排行榜去選擇，今日揀咗杯裝Yogurt，配三個toppings 同一個醬！Yogurt 就得一個原味，今次配咗海鹽焦糖脆脆、芒果、同朱古力糯米糍，分別係排名第123位，如果甜醬方面，我就揀咗熱情果味！而我朋友就嗌咗其他唔同嘅選擇，最後店員遞俾我哋嘅時候，我真係有啲感覺好震撼！比想像中大杯，而且唔會過甜，首先係個海鹽焦糖脆脆，好鬆化得來，又唔會好甜，而且好夾嗰個Yogurt，加埋啲芒果同埋熱情果汁，酸酸甜甜，真係好開胃！而且個朱古力糯米糍，都比想像中好食！難怪西貢咁多人幫襯！下次經過西環，大家一定要試吓！