鵝鹵宮

營業中

休息中

屋企人就最鍾意食中菜，於是乎我就帶左佢去Yoho mall新開嘅《鵝鹵宮》試下經典潮州菜。餐廳為求營造最「潮」嘅用餐體驗，所以用左船纜、船架去帶出潮州獨有的水鄉風情。鹵水鵝拼盤入面有6款香港人至愛嘅鹵物，包括鹵水鵝片、鹵水鵝腎、鹵水鵝翼、鹵水鵝肝、鹵水鵝掌及鹵水鵝腸。我自己就最鍾意食鹵水鵝片，肉質厚實又有非常入味。茶樹菇花膠燉烏雞非常足料嘅靚湯，有花膠、茶樹菇和烏雞。湯底清澈又唔油膩，味道清甜。卜卜脆蠔烙經典家常潮州菜，炸皮厚度剛剛好，食落非常香脆。內層蠔肉大隻又鎖住肉汁，好juicy。香芒蝦球配梅羔醬烤骨一次過試哂蝦和豬肋骨，首先蝦球用左芒果肉做醬汁，更加突顯其鮮味。而烤骨方面肉質軟腍又帶酸甜，非常開胃。茶樹菇銀線小豆苗食完肉類，就想食番啲蔬菜。小豆苗吸引哂上湯嘅味道，熟度剛好又爽口。蛋白杏仁茶好嘅一餐當然唔少得甜品，口感幼滑又有杏仁香，好滋味呀。