瑪拉小廚 (已結業)

印度野我只會食呢間，別冇他選，昨天突然想食瑪拉，好掛住D野食，就book左今日去食。好鐘意呢度係因為環境氣氛甚至服務都好到加零一！令我有賓至如歸既感覺，老闆超nice, 好主動同你解答餐牌上既任何疑問，每次去都好好服務，我地今晚叫左必叫必叫我至愛既fish mango salad！雞肉闊條麵同埋mala's four season pizza老闆話可以楝多一款味，他就揀左香辣肉腸。沙律先上，都係咁大盆，好好味既沙律汁，酸酸的，十分開胃！芒果香甜到不得了，魚熱辣辣，而且又煎過，啖啖肉，仲有青瓜，蕃茄仔，紅椒以及各式各樣既沙律菜都好爽脆好新鮮，同沙律汁好夾！（可是太肚餓，竟然唔記得影佢！）Pizza黎到，我至愛既四季pizza,好熱，皮好脆，佢既味道似泰式甜辣醬，上面有好似菠菜既菜，有芝士，我KO左兩件，他就喜歡佢另一邊既辣肉腸，我就麻麻地，都係四季啱我口味d. 最後黎到既闊條麵，好大碟！好creamy既sauce,每條都沾滿曬醬汁，雞肉不是鞋剎剎的，反而好軟，仲有好多大舊既菇，意粉煮得剛剛好，有咬囗，全部都有樣又有質素，真係好正呀！一定好快再黎食過！