影片
更多
2023-04-19
301 瀏覽
芝士牛奶鍋$115入面有娃娃菜，白豚肉，日本南瓜，心形魚豆腐，台灣貢丸，麻吉燒，沙白，香菇，蟹柳，金菇，炸枝竹，嗚門卷，雞蛋，烏冬，芝士片，蛋餃，可以配飯或者粉絲又或者加錢升級做滷肉飯或者烏冬。我個人就覺得呢個鍋十分足料，要讚下佢啲豚肉！唔會薄切切，反而幾厚實，唔韌，亦都幾有豚肉嘅味，而且個彈覺都幾特別，其他餸亦都係正常水準。食到好飽！甚至仲剩咗少少添～佢哋有唔同嘅醬料俾你地自己調配，分別有辣椒油，沙茶醬，蒜蓉，豆瓣醬同埋豉油，各位可以隨着自己嘅口味調配醬料。奶蓋綠茶加珍珠$29我好欣賞佢哋嘅茶底幾香，而且奶蓋好濃厚唔會淡茂茂，不過啲珍珠就比較失色，雖然係有咬口不過完全好似膠感無味，我杯茶飲晒之後啲珍珠食咗幾粒就算～嗌咗兩杯嘢飲，唔記得影相！ 蜂蜜綠茶加椰果$31因為佢哋嘅奶蓋綠茶得細杯，同埋珍珠佔咗三份一，所以我臨尾都嗌多咗杯嘢飲～呢杯嘢飲就好好多，因為佢比較簡單同埋頭先都講過佢哋嘅茶底唔錯，加埋啲椰果可以咬下又甜甜地清清地咁，可以下一下頭先打邊爐嘅火！環境來講鋪面尚算寬敞，坐得都幾舒服，人與人之間都唔會坐得太近，唔使太過擔心社交距離，而且職員大部份都係後生仔，亦都幾有禮貌，不過個人
入面有娃娃菜，白豚肉，日本南瓜，心形魚豆腐，台灣貢丸，麻吉燒，沙白，香菇，蟹柳，金菇，炸枝竹，嗚門卷，雞蛋，烏冬，芝士片，蛋餃，可以配飯或者粉絲又或者加錢升級做滷肉飯或者烏冬。
我個人就覺得呢個鍋十分足料，要讚下佢啲豚肉！唔會薄切切，反而幾厚實，唔韌，亦都幾有豚肉嘅味，而且個彈覺都幾特別，其他餸亦都係正常水準。
食到好飽！甚至仲剩咗少少添～
佢哋有唔同嘅醬料俾你地自己調配，分別有辣椒油，沙茶醬，蒜蓉，豆瓣醬同埋豉油，各位可以隨着自己嘅口味調配醬料。
奶蓋綠茶加珍珠$29
我好欣賞佢哋嘅茶底幾香，而且奶蓋好濃厚唔會淡茂茂，不過啲珍珠就比較失色，雖然係有咬口不過完全好似膠感無味，我杯茶飲晒之後啲珍珠食咗幾粒就算～
嗌咗兩杯嘢飲，唔記得影相！
蜂蜜綠茶加椰果$31
因為佢哋嘅奶蓋綠茶得細杯，同埋珍珠佔咗三份一，所以我臨尾都嗌多咗杯嘢飲～呢杯嘢飲就好好多，因為佢比較簡單同埋頭先都講過佢哋嘅茶底唔錯，加埋啲椰果可以咬下又甜甜地清清地咁，可以下一下頭先打邊爐嘅火！
環境來講鋪面尚算寬敞，坐得都幾舒服，人與人之間都唔會坐得太近，唔使太過擔心社交距離，而且職員大部份都係後生仔，亦都幾有禮貌，不過個人認為衛生方面可以做得好少少，枱櫈可以抹得乾淨啲啲。
張貼
