BTS美食站

營業中

休息中

好耐冇食過泰國嘢，今晚經過九龍城，就幫襯返我最喜歡嘅BTS 美食站。兩個人叫咗下面嘅餸菜，泰式鳳爪 - 咩都唔算啦，適合啲唔識得辣嘅人士，分量好多。如果再重少少就好啦。青咖喱海鮮 - 青咖喱一啲都唔難，但海鮮嘅份量好多，配合好重嘅椰香味， 用嚟送飯或伴住蒜蓉包食一流。蒜蓉包 - 香脆可口， 蒜蓉味好濃。泰式生菜包 - 味道酸辣， 加埋個生菜包住嚟食， 味道一流！小曼谷炒飯 - 用蛋包住嘅泰式炒飯， 個人認為係嚟到呢間餐廳必點嘅食物之一。份量好大份，而炒飯入邊有蟹柳、扎肉、豬頸肉等等嘅炒飯，材料充足，味道好好。呢間餐廳價錢合理，味道又貼近泰國地道餐廳嘅味道嚟到九龍城諗唔到去邊度食嘢嘅時候，呢度係一個好去處。