和牛蕃 (已結業)

男朋友好鐘意食牛🐮，見到銅鑼灣開咗間新嘅餐廳，主打食和牛，口碑唔錯，於是我地上星期四晚就去試試🧚🏻‍♀️一入到門口，知客即刻好有禮物招待我地，又安排座位俾我地坐住等，又會簡單介紹menu。大約等咗10分鐘就有得入坐啦，第一次嚟試就嗌咗簡單嘅Vanne Dinner Set A🤓 ！蔬菜類頭盆係蕃茄配黑椒醬油+新鮮沙律，食完之後就上和牛頭盆🤩和牛多士配蛋黃醬半魚子醬，及和牛海膽壽司🍣 兩款我都好鐘意！唔單只好香牛味，同其他配料都好match👍🏻之後有侍應幫我地燒牛舌同和牛，非常專業，不過我中意食生少少嘅🧚🏻‍♀️，可以同侍應講聲😁之後就有和牛配黑松露，食法幾特別，先用醬油湯底灼熟薄片和牛，然後加入生雞蛋攪拌至起泡，然後加入一片片黑松露🤩最後有和牛肉醬義大利麵及自家製柚子雪糕再完結。overall嚟講，我覺得物有所值！有機會會帶家人好朋友再嚟💃