鮨政 (已結業)

今日同男朋友黎到香港仔呢間鮨政分店覓食，果然無令我地失望呀！我地先叫一個$400既壽司拼盤(上)🍣，有12件大壽司加6件三文魚細卷，超豐富呀！大吞拿魚腩超正，極為肥美，入口即化，魚味濃郁🤤油甘魚腩我都好中意，又係超級肥美，魚肉好甘香好嫩，超正呀🤫我地另外仲叫佐火炙鰻魚壽司🍣作為鰻魚達人既我地對呢個壽司勁滿意，鰻魚肉好厚，燒汁好香，鰻魚做到外皮脆脆地，好正！除佐壽司緊係唔少得炸物，炸雞🍗一粒粒好脆好香，啲肉又嫩又有肉汁，爽；炸雞翼🐤雞翼係原隻既雞翼，皮脆肉嫩，好咸香好好食；燒油甘魚鮫🐟魚鮫燒到焦香，魚油滲晒出黎，魚肉好滑，好正！