喇沙大少 (已結業)

老公工幹去 獨自去偷歡 去宜家買傢俬 順便去Megabox行下街 買下聖誕禮物 入老公數 呵呵。一個人的晚餐 唔想食西餐 行下行下見到喇沙大少 喇沙唔係重點 重點係有海南雞飯 Wooooo 賣飛佛！星加坡菜我一向有偏愛。海南雞飯 配上肉骨茶 好胃口的我 再叫了三串豬肉串燒 好放肆。海南雞係無骨既 真是正中下懷 我好怕lur骨 雞肉唔肥 好嫩滑 新鮮。有淡淡咸香。配上蒜蓉辣椒醬 少少酸帶上辣味 好開胃。雞油飯有點黃薑味 雞油香氣撲鼻 撈埋特色甜醬油 無得頂。肉骨茶 其實唔知道正宗係咩味道 只是知道分了藥材派和胡椒派。喇沙大少既反而係別樹一格的自家派。淡淡杞子和藥材味 配上豆卜 腐皮 排骨 上枱時附上火爐 一邊溫暖著 在咁凍的天氣 可以一直飲著熱湯 感覺非常好。豆卜腐皮好入味 有淡淡杞子香 排骨偏軟身 都幾入味 如果咸味再稍微減一點 就更好。串燒豬 竟然是今晚亮點 沙爹醬好香花生味 豬肉燒得剛剛好 彈牙 唔過熟 配上沙爹醬 一絕配。