茶山

營業中

休息中

估唔到入到長洲除左食芒果糯米滋，仲新開左間日式甜品店，仲幾有驚喜。環境幾chill，幾啱三五知己行到攰入嚟傾偈食下甜品打卡，總共Order左3款甜品：哈密瓜梳乎厘pancake、晴王葡萄芭菲、密瓜牛角窩夫。首先到係密瓜牛角窩夫，食落脆口酥脆，價錢只係$52就有兩塊，幾抵食。晴王芭菲有好多層，食落唔會好膩，成個配搭好match，晴王好甜，果然一分錢一分貨。等左大概40分鐘，呢個哈密瓜梳乎厘pancake終於到啦，萬眾期待，好彩無令人失望，哈密瓜幾甜，梳乎厘有3塊食落仲有陣陣蛋香味👍，雖然賣相差左少少，有啲位崩左😵，整體都唔錯，餐牌仲提供左好多唔同款既生果選擇。下次再到長洲再試其他！大滿足。