影片
更多
2018-06-26
1421 瀏覽
一行四個女子在Sun Curry 吃午餐，因為有兩位同事唔食牛肉，所以我就算想試都無叫。Ordered 檸檬雞、好好味雞、咖喱雜菜、咖喱雞，老闆同老闆娘俾左細細杯雜莓汁（raspberry, blueberry, Blackcurrants)、柚子水我地試飲，最後個個都自覺超級健康咁每人order 一杯雜莓汁。對方細細，但係乾淨企理。bar 檯式餐檯椅，堂食大概可以坐 6-8人。所有食物都係現叫現煮，老闆算煮得好快手。檸檬雞：第一道菜，炎炎夏日食左呢個，即刻好開胃、味蕾覺得好refreshing！雞肉好軟滑，酸酸甜甜、個汁好送飯。好好味雞：第二道菜，其實都OK，不過佢排喺檸檬雞同咖喱之間出現，真系好快被遺忘。除左記得雞肉依然滑同埋呢道餸無咩汁，真係印象唔深刻。咖喱雜菜：Mainly 係 紫椰菜同菜心，應該係當造，睇得出老闆好有心、揀時令蔬菜黎煮。咖喱汁底係我鍾意嘅印度/尼泊爾風味，可惜菜出水、溝稀左啲咖喱汁，有啲小遺憾，但仍然算係好食嘅。唔食辣嘅同事都算食到。咖喱雞🐔：俾5粒星！超級正！雞同咖喱水乳交融、簡直係天作之合，咖喱汁濃郁香辣，完全無雜菜會出水溝稀嘅問題，我食曬一大碗飯、本來仲
Ordered 檸檬雞、好好味雞、咖喱雜菜、咖喱雞，老闆同老闆娘俾左細細杯雜莓汁（raspberry, blueberry, Blackcurrants)、柚子水我地試飲，最後個個都自覺超級健康咁每人order 一杯雜莓汁。
對方細細，但係乾淨企理。bar 檯式餐檯椅，堂食大概可以坐 6-8人。
所有食物都係現叫現煮，老闆算煮得好快手。
檸檬雞：第一道菜，炎炎夏日食左呢個，即刻好開胃、味蕾覺得好refreshing！雞肉好軟滑，酸酸甜甜、個汁好送飯。
好好味雞：第二道菜，其實都OK，不過佢排喺檸檬雞同咖喱之間出現，真系好快被遺忘。除左記得雞肉依然滑同埋呢道餸無咩汁，真係印象唔深刻。
咖喱雜菜：Mainly 係 紫椰菜同菜心，應該係當造，睇得出老闆好有心、揀時令蔬菜黎煮。咖喱汁底係我鍾意嘅印度/尼泊爾風味，可惜菜出水、溝稀左啲咖喱汁，有啲小遺憾，但仍然算係好食嘅。唔食辣嘅同事都算食到。
咖喱雞🐔：俾5粒星！超級正！雞同咖喱水乳交融、簡直係天作之合，咖喱汁濃郁香辣，完全無雜菜會出水溝稀嘅問題，我食曬一大碗飯、本來仲想添飯，不過個胃真係頂唔住，先作罷！我食得好辣，所以唔認為呢個咖喱辣，覺得好惹味。但完全唔食辣嘅兩位同事只係勉強食到幾啖。我應該齋用佢咖啡汁撈飯都好滿足。
然後乾一杯 berry juice，大飽口福！人生一樂也！
PS. 啲汁好惹味，老闆話白飯任裝！講一聲就得！我覺得好似去左日本嘅小店咁，好溫暖！好滿足！
PPS. 老闆夫婦好nice！希望你地生意興隆！
咖喱雞、咖喱雜菜、檸檬雞、好好味雞
$70
145 瀏覽
1 讚好
0 留言
張貼
