浜松水產 (已結業)

好耐沒有與同事吃晚餐，今日四人來到浜松水產，希望吃餐好的😆，順便舒舒壓！工作太辛苦，與同事一齊呻一齊吃餐好，就最啱KEY啦☺️！ 未去過浜松水產，今日去試試，原來質素都好好呀！菜式款式好多，基本上居酒屋所提供的食物都有得食！ 竹日本拖羅盛盒 $398 每款各兩片的竹日本拖羅盛盒，有七款刺身，包括有赤身、中拖羅、大拖羅、帆立貝、北寄貝、日本笛鯛、三文魚，兩個人食好足夠。魚生好新鮮，吃完已經飽了一半。 七味牛舌粒 $68 牛舌肉腍，好有牛香，又超多粒，送酒一流。 明太子日本玉子燒 $78 玉子燒同平時吃的不太一樣，外層比較結實，吱上明太子秒芝士醬好惹味。 生薑豚肉鍋 $128 鍋物好大份，豚肉大片，仲有好多蔬菜。 鹿兒島赤雞 $68 雞件炸得香脆，都幾多肉汁。