Honbo

營業中

休息中

今晚上堂前嚟咗公司附近嘅日街食漢堡包， 之前都有食過佢嘅漢堡包， 雖然價錢唔平，但佢唔係麥當勞快餐漢堡包，係幾高質同真係似外國既burger 店。 叫咗個impossible burger, impossible patty係素肉，喺香港呢種素肉好似唔係好common, 但係外國幾流行嘅，終於我今次就試到啦！ 食落去同睇上去都係同肉幾似，但感覺佢煮得比較燶少少。 嗰包仲配咗啲酸瓜同洋蔥， 汁都係vegan嘅，但係個汁就唔係好濃味，所以我就加咗炸蕃薯條嗰個醬，嗰個醬超好食！ side我本來係想叫coleslaw salad嘅，但係見價錢都唔平，就決定叫炸番薯條，然後漢堡包既包換咗做lettuce bun, 咁就可以食少carbs。呢樣想要讚一讚佢，香港好多專食漢堡包店都好似冇寫明呢一個選項，其實換做生菜當包好common嘅，特別係keto diet既人就可以咁做~ 炸蕃薯條幾大盤，唔係切到好幼個種，係一舊一舊嘅。佢配咗呢個有啲似係千島醬，總之個調味醬好好味。