茶茶台式料理 (已結業)

突然好想食台灣嘢，喺附近行完街之後見到呢間茶茶台式料理，門面裝修幾乾淨簡潔，正值晚飯嘅時候於是就入去坐低，我哋今日叫咗茶茶麻辣鍋加鴨血。麻辣鍋點咗小辣，鍾意食辣嘅朋友記得要點中辣或者大辣。鴨血咬落去好實淨，唔會話鬆泡泡，而且一啲都唔騷。鹽酥雞扒滷肉飯，滷肉飯係去到台灣必食嘅食物，而我自己都好鍾意食滷肉飯，呢度嘅老玉做得好入味，配上香噴噴嘅白飯食，簡直可以添多幾碗飯，而且雞扒炸得好鬆軟，炸粉亦都唔厚。珍珠奶茶珍珠非常之多，而且落去煙韌。十分討好。荔枝起泡茶雖然荔枝味唔算話10分突出，但係飲落去味道都唔錯。整體來講價錢公道，食物質素OK。