幸腹滿屋日本料理 (已結業)

一開始就已經聽到同事介紹呢一間餐廳，佢話日本野來講呢間餐廳算性價比勁高，而且係要book位先可以食到嘅，我足足等左兩個星期先可以係lunch食到。我哋六個人食咗唔同嘅嘢，而我呢啲窮嘅人就叫左最平嘅角切魚生飯。但係我想講絕對唔失望，出面嘅魚生飯可能係俾啲最唔討好嘅部位俾你，但係呢間嘅魚生飯真係俾你感覺到食緊好厚嘅魚生，雖然佢只係角切，但係食落口都好有飽足嘅感覺。而且佢比嘅魚生嗰啲雨都唔係差嘅嘢，佢有吞拿魚，三文魚，仲有油甘魚添，而且佢嘅質素都好新鮮，最衰冇影相唔係就可以俾大家睇吓有幾咁大件夾抵食。總括嚟講，我決定每個月出糧都要去食佢一次。