水木日本料理 (已結業)

想食日本餐好耐了，上網見到個呢間水木個 rating幾好，最重要地點就腳方便，所以就 book位。餐廳環境幾有日本和式味道，feeling沉實舒服！卡位闊落張台夠哂大，坐得舒服。天氣開始轉涼，想食 d鍋物，叫左鍋物再配點海鮮！龍蝦手掌咁大隻，非常厚肉。肉質夠爽又彈牙，龍蝦既膏亦不能錯過，味道甘香鮮甜！至於帆立貝非常鮮味又夠厚，綿綿細緻好好食！唔使醬汁食鮮味最正，蜆肉亦唔輸蝕，無沙乾淨，鮮甜鮮香！蠔都夠哂新鮮，就算經過熱湯煮過後，都食出陣陣既蠔香，陣陣鮮味滲出，好正！再配上雜菜盤，加個稻庭烏冬，配上芝麻醬一齊再食， 入口非常有新鮮感亦都非常彈牙好好食