夏雪 (已結業)

星期日去大圍做嘢，做完都2點，肚仔已經打鼓。諗起積富街多食肆，不如逛逛，睇吓有乜啱心水。經過夏雪，聽聞它的waffle 唔錯，一於同老公試試。店舖不大，有兩層，設計有特色，畫上壁畫，可愛。我特別喜歡它牆上一些有意思的精句，一個好提醒。餐牌選擇以窩夫為主，有咸有甜，亦有圖可參考。既然當主餐，就點一個咸味窩夫，即All Day Breakfast ($108)，加每人一杯咖啡，我要Flat White ($40) ，老公要Cappuccino ($40)。它有最低消費，每位$60。咖啡先上，上面是Cappuccino 而下面是Flat White，拉花漂亮。不知誰人想到為咖啡拉花，增添了不少浪漫與美感。我的Flat White，咖啡味香濃，奶亦幼滑，好味！👍🏻👍🏻👍🏻全日早餐上檯有點震撼，頗大份，亦有多種食物，煙肉丶香腸丶煙三文魚丶茄汁豆丶大啡菇丶薯餅丶炒蛋及沙律菜，當然少不了烘窩夫，睇見都流口水。先試沙律菜，十分之新鮮，加了醋及自家醬汁，好味兼開胃。接著試吓窩夫，十分之脆口，內裏亦軟熟，佢帶有很香的蛋味，有無cream 都咁好味。😍😍😍其他配菜亦都有水凖，尤其是啡菇及薯餅。啡菇一烘便有獨